O, doğma, qəhrəman kəndim olan Todanım üçün datıxıram...

O kəndin qəbristanlığında

uyuyan atamın, şəhidlərimizin qəbrlərini ziyarət etmək üçün

darıxıram...

Səhərlər dağların qoynundan süzülən dumanlar üçün darıxıram...Axşamlar həyətlərdən samovardan kəkotu

ilə dəmlənən çayın qoxusu üçün darıxıram...uşaqlarımın ayaq izləri qalan cığırlar üçün darıxıram.

Hər daşlnda, qayasında bir xatirə gizlənən doqqazlar üçün darıxıram...

Kəndin qoca ağacları altında edilən söhbətlər, əhdi- peyman üçün darıxıram

Yay gecələrinin ulduz dolu səması üçün darıxıram

Bir "xoş gəldiniz" kəlməsinin ürəyi isidən səmimimiyyəti üçün darıxıram. Bir də nənəmin, ana əvəzi bildiyim Gülgəz mamamın həyətdən səslənən o doğma səsi üçün darıxıram.

O kəndin qəbristanlığında uyuyan atam İsmayılın qəbri üçün, baş daşına toxunub bir "Ata" demək üçün darıxıram...

O, torpağın səssizliyində onun nəfəsini duymaq üçün darıxıram. Ruhuna oxunan duaların küləklə göyə qarışdığı anlar üçün darıxıram...

O, müqəddəs, həm uşaqlığımı, həm atamı bağrında saxlayan torpaq üçün darıxıram

Hər ovcunda bir xatirə, hər daşında bir nisgil yaşayan kəndim üçün darıxıram.

Düşmənlərə öz sərt üzlərini göstərən igidlərlə görüşməyə tələsirəm

Qəhrəman övladlarla keçdiyimiz döyüş yolları üçün darıxıram...hər qarış torpağı igidlərin qanları ilə yoğrulan o müqəddəs izlər üçün darıxıram

Dağlarında mərdlik nəğmələri dolaşan,

Daşlarında şəhid nəfəsi yaşayan o yerlər üçün darıxıram...

Todan təkcə bir kənd deyil...o kənd bir tarixdi, bir namus qalasıdı o kənd..'.bax,, o kəndim" üçün darıxıram...

----

Küləyində, yağışında, qarında işıqları sönən, günlərlə işıqsız qalan kəndim üçün darıxıram

Çünki, o çətinliklərin içində " özümünkü" olan bir həyat da vardı...qaranlıqda şam işığında edilən söhbətlər, hamının bir- birinə daha yaxın olan axşamlar üçün darıxıram

Mənə dərs deyən müəllimlərim üçün, həyatdan köşən qonşularım üçün darıxıram

Bir sözlə...-Güllü- çiçəkli dağlarımız üçün

Alçaıı bulağı üçün

Cambaz dağı üçün

Kürək çayının balıqları üçün

Avazlı üçün...nələr, nələr üçün darıxıram

Cəmi cümlətanı 5-cə km

məsafəyə asfalt yol çəkiləsi, lakin çəkilməsi müşkül məsələyə çevrilən Todanım üçün darıxıram

----

Evim, həyətim...mənsiz açılmayan qızıl güllərim üçün...məndən küsüb inciyən evim üçün...

Uşaq vaxtı çəkdiyim əzab-əziyyətlərə dözdüyüm həyat üçün...bu günlərdə də kədərlə yüklənmiş həyatım üçün, özüm üçün darıxıram...

Gözlə, kəndim mənim, Todanım mənim! -Qismət olsa gələcəyəm...səninlə görüşməyə, dərdləşməyə gələcəyəm

Bil ki səndən ötrü çox darıxmışam...