SINDIRMA ŞÜŞƏ KÖNLÜMÜ

Ədəbiyyat 18:34 / 09.10.2025 Baxış sayı: 1176

 

Baxışın elə yandırır,

taxmısan şişə, könlümü;

çəkib qoyursan nimçəyə,

sən, bişə-bişə könlümü;

 

odu atmısan üstümə,

hamı boylanır, tüstümə;

atıb çınqılın üstünə,

sındırma, şüşə könlümü;

 

gəlmişəm, könül almağa,

könül alıb, kül olmağa;

qoyma, tamarzı qalmağa,

şirin gülüşə, könlümü;

 

gerçəkmisən, xəyalmısan,

əzrayıldan pay almısan;

canımı üzüb, salmısan

sən, dilə-dişə könlümü;

 

baxışını xoş eliyib,

ürəyini daş eliyib;

bir dərdimi beş eliyib,

salmısan işə, könlümü.