Şakir Xanhüseynli -   kim deyir səndən qalan

Ədəbiyyat 10:00 / 24.05.2026 Baxış sayı: 388

kim deyir səndən qalan

izlər silinir,

heç də belə deyil;

qalan izlər əbədidir insandan...

bir xatirəmiz hökmən ya bir daşın,

ya bir ağacın yaddaşına köçür

və bu, daimi olaraq gələcəyə,

döyünən bir ürəyə ötürülür...

sən bu dünyaya yad yox, doğmasan,

özünü ən uzaq birisinə də doğma san...

izlərin yolların sinəsində

heç getməyən bir naxışdı;

yollar daim səni xatırlayacaq,

üzünü çevirib baxdığın divar,

sonsuz göy üzü;

hələ insanlar--

onlar daim səni xatırlayacaq.