( kiçik hekayə)

Salman kişi həyat yoldaşı Səliməyə:

--Ay arvad,bir stəkan çay süz,içim.Sonra gedim zəmidə biç-ilməmiş qalan

hissəni biç-im--dedi.

Səlimə:

-- Yaxşı,a kişi. Saa ( sənə) də süzərəm,elə özümə də.

Mən də bir stəkan içim.

Qonşunun qızı Səmayənin

"paltar-biç-disidir"sabah .

İstəyirəm ora geyməyə o günü aldığım parçadan bir qapotluq( don) biç-im,tikim-dedi.

...Salman kişi çay içdi ,sonra getdi kombaynla zəminin biç-ilməmiş sahəsini biç-di...Samanı da,püfəni də ( püfə samanın ən kişik hissəcikləri) topladı...Qayıtdı...

Onu orta məktəbin aşağı siniflərində oxuyan bir boy,bir buxun ,bir biç-imdə olan ekiz oğlanları qarşıladı.

Arvadı Səlimə iki mis qazanı su ilə doldurub,üçbucaq ocaq daşlarının üstünə qoydu.

Qazanın altını çır-çırpı ilə doldurub,od vurdu,qaladı.

Su qızanda aparıb kuma( kum-ustifadə üçün adətən qarğıdan hörülən,üstü bağlı yer.Orada ipək qurdu bəslərdilər ) qoydu.Mis dolçanı da qoydu qazanın böyrünə...Ərini çağırdı:

-- A kişi,gəl çim.

...Salman kişi çimdi.Məhrəbanı( dəsmalı) götürüb ,bədənini sildi,qurulandı.

Sonra iri bir qazı tutub kəsdi .

Səlimə su qızdırdı.Salman kişinin kəsdiyi qazı isti suyun içinə salıb,tüklərini yoldu,qarnını yardı,içalatını çıxardı.Qaz çim yağ idi.

Səlimə qazı doğrayıb ,qazana doldurdu ,su tökdü və ocağın üstünə,bişməyə qoydu.

Salman kumda "ölçü-biç-i " elədi.Samanı,püfəni yığ1mağa yer düzəltdi .

...Gözəl süfrə açdı Səlimə.

Ailə süfrə arxasında oturdu.

Yemək yeyərkən ekizlər yersiz suallar verirdilər.

Salman kişi:

-- Çörək yeyəndə danışmazlar-dedi.

Yedilər,üstündən də samovar çayı içdilər.

Salman kişi uşaqlarına:

-- İndi gəlin suallar verin,cavabınızı alın-dedi.

Amma əvvəlcə mən bir tapmaca deyim.O nədi, "altı bulaq içərlər,üstü zəmi biç-ərlər?"

Uşaqlar bir ağızdan:

-- Qoyun-dedilər.

Salman kişi:

--Uşaqlar hər bir işdə ölçü-biç-i olmalıdır.O cümlədən sözün də,sualların da öz biç-imi var.Deyirlər ki,"yüz ölç,bir biç".

Müdrik insanların biri deyib ki,"ağıllı sual elmin yarısıdır".Mən kombayn sürsəm də,kənd təsərrüfatı texnikimun bitirmişəm.Az-çox savadım var.Həmişə çalışıram ki,düşünüb-daşınıb,ölçüb-biç-ib ağıllı suallar verim,bilmədiklərimi öyrənim.Bilməyib öyrənmək ayıb deyildir...

...Səlimə biç-diyi parçadan bir qəşəng don tikdi...

... Bu sadə ailə adi bir gün yaşadı...

Ər-arvad ertəsi gün nə edəcəklərini qərarlaşdırdılar,necə deyərlər "ölçdülər,biç-dilər"

Uşaqlar da ertəsi günün dərslərini oxudular ,təkrarladılar...

...Səhər açıldı,yeni gün başladı...