Bir yaşılbaş söyüd məni yandırır,

Quruyub...yerində kötüyü qalıb.

Ayları, illəri bir-bir andırır,

Sinəmdə sönməyən körüyü qalıb...

Bir yaşılbaş söyüd məni tərpədir,

Yenə salxim-salxim saçaqlayir o.

Duruşu qandırır istəyi nədir,

Fikrimdə suları qucaqlayır o...

Bir yaşılbaş söyüd məni kökləyir,

Açır əl-qolumu yaz havasına...

İllər yaddaşıma dərd-qəm yükləyir,

Təzədən oynadır naz havasına...

Bir yaşılbaş söyüd məni göynədir,

Kölgəsi eşqimtək çıxıb əlindən.

Bəs indi canının ağrısı nədir,

Daha danışanmır o su dilində...

Bir yaşılbaş söyüd məni yandırır,

Quruyub...yerində kötüyü qalıb.

Ayları, illəri bir-bir andırır,

Sinəmdə sönməyən körüyü qalıb...

08.10.2025