Könüllər oxşayar həzin səsiylə,

Təbiət isinər xoş nəfəsiylə,

Şirin ahəngiylə, şən nəğməsiylə,

Həmdəm olar aşiqlərə yar bulaq.

-----------------------

Duman ətəklərdə sürünən zaman,

Yamaclar çiçəyə bürünən zaman,

Məhəbbət vüsalla görüşən zaman,

Sevən ürəkləri bağlayar bulaq.

--------------------------

Gündüz Günəş olub yaxın sirdaşı,

Yığar ətrafına dostu, yoldaşı,

Dağı-dərəsiylə durub yanaşı,

Elə səhər-axşam çağlayar bulaq.

---------------------------

Nə gecəsi, nə gündüzü bilinməz,

Sızar qayalardan dayanmaq bilməz,

Eşqiylə qaynayar sirrini verməz,

Özü öz dərdinə ağlayar bulaq.

------------------------

Qoyar hər daşında izlər, naxışlar,

Seyr etdikcə doymaz ondan baxışlar,

Həmsöhbəti mərd kəsləri alqışlar,

Namərdinsə qəlbin dağlayar bulaq.