Bəhram Bilaloğlu - Düşməsin zərrə qədər,

Ədəbiyyat 13:36 / 09.10.2025 Baxış sayı: 4863

Düşməsin zərrə qədər,

Dodağından gülüşün.

Qəm açar lalə kimi,

Qarşılar sər gəlişin.

 

Dua bəxş eylədiyin

Dilə gəlməz — bunu bil.

Çatsa muradına o,

Deyər: “Yaddı, onu sil.”

 

Çəkirəm xeyli zaman,

Salıram yaddaşıma.

Ləkədir, getməyəcək

Vurulan bad daşına.

 

Qarışır, dövr eləyir,

Dövrə özü mehmandır.

Yaxşı baxsan üzünə —

Aşkara bənd, həyandır.