XƏBƏR LENTİ
25 Oktyabr 2020
24 Oktyabr 2020



Parlament xanım deputatların adlarını səhv salan jurnalistlərə xəbərdarlıq etdi
SİYASƏT 11:46 / 18.09.2020

Milli Məclisin komitə iclasları barədə mətbuatda və sosial mediada gedən yazılarda bəzən müzakirələrdə çıxış edən deputatların adları düzgün göstərilmir. Bu isə, öz növbəsində, oxucularda anlaşılmazlıq yaradır və haqlı suallara səbəb olur.

Bu barədə Milli Məclisin Mətbuat və ictimaiyyətlə əlaqələr şöbəsi açıqlama yayıb.

Sentyabrın 17-də Milli Məclisin İnsan hüquqları komitəsinin iclasında millət vəkili Jalə Əhmədovanın fikirləri deputat Jalə Əliyevanın söylədiyi fikirlər kimi təqdim edilib.

"Qeyd edək ki, deputat Jalə Əliyeva ümumiyyətlə İnsan hüquqları komitəsinin üzvü deyil və həmin iclasda iştirak etməyib. Parlamentdə keçirilən iclaslardan informasiya hazırlayarkən belə məsələlərdə xüsusilə diqqətli olmağınızı xahiş edirik”,-deyə Milli Məclisin mətbuat xidməti xəbərdarlıq edib.

Xatırladaq ki, Jalə Əhmədova sentyabrın 17-dəparlamentin İnsan hüquqları komitəsinin iclasında sosial şəbəkələrə girişin şəxsiyyət vəsiqəsi ilə olmasını təklif edib.

Bəzi jurnalistlər isə onu digər deputat Jalə Əliyevanın fikri kimi təqdim ediblər.

Jalə Əliyeva Milli Məclisin Ailə,qadınvəuşaqməsələlərikomitəsinin sədr müavinidir.


1356 oxunub

InvestAZ