XƏBƏR LENTİ
02 İyul 2022
01 İyul 2022
30 İyun 2022



Kəramət : - PİS ŞAİR
Ədəbiyyat 08:41 / 26.05.2022

Adəmdən öncə doğulub
Adamdan sonraya qalan kişi
Ayağının biriylə gedib
biriylə gələn
Bir gözüylə ağlayıb
bir gözüylə gülən KİŞİ.
Qurdla qiyamətə qalan
Yalan adam.
Öz-özüylə danışıb
öz-özüylə ağlayıb-gülən adam
göz yaşını göz yaşıyla silən
"Küsdüm-küsdüm gülü" kimi
öz içində ağlayıb
öz içində solan adam.
bütün yollar qapananda
Öz=özündən öz-özünə
qapı açan, yol salan kişi.
Hamı udmağa oynar
özünü-ömrünü uduzmağa oynayan kİşi
Ağzıəyri dünyanı
boynunun ardından tanıyan biri.
kimsə bu məmləkətdə
pis şair olmalıdı
kimsə adam-adam
yeddi kənddən qovukmalıdı.
səkkizinci kənddən sevgi yaymalıdı
hamı sevimli , dahi olmaz
əruzun hər hər bəhrini
qoşma nizamını
şeirin iran təranələrini
uyudan nağılını, ahəngini pozmalıdı
bir şair də kafir olub
günün daş-qalaq olunan
şeirini yazmalıdı.

2900 oxunub

InvestAZ