Rəfail Tağızadə : - Qəm havası
Ədəbiyyat 07:27 / 26.05.2022
Bir Ay doğar
yorulan buludlar arasından.
Bir Ay doğar
işıqlanar gecələr.
Əllərimi, qollarımı görərəm,
sənə gedən yollarımı görərəm.
Qəribsəyən gecədə
yolların yanağından
tək ağlayan qəribin
göz yaşını silərəm.
Daş qolları qaldırıb oynayaram
içimdəki qəm havanın pəsinə,
diksinərəm lal sükutun səsinə.
Nə deyəsən,
gecənin bir küncündə
için-için oynayan
bu Allah bəndəsinə?
1927 oxunub
.jpg)
