.jpg)
XƏBƏR LENTİ
04 İyul 2022
09:15 Bayramov İrana getdi
08:07 Ehtiram Ilham : -GÖZLƏMƏ
03 İyul 2022
02 İyul 2022
01 İyul 2022
Bəhruz Niftəliyev:- BİR UŞAĞIN QOCALIĞI
Ədəbiyyat 09:15 / 17.05.2022
Mən uşaqlıqdan beləyəm,
Gözlərim yol çəkib,
Ruhum yalnızlıq...
Ürəyim sol çəkib,
Ağlım halsızlıq...
Mən uşaqlıqdan beləyəm,
Oyuncaqdan əl çəkib,
Yelləncəkdən qaçmışam
Ucalmaq istəmişəm,
Yüksəklikdən qorxmuşam !
Bu təzadın,
Bu əzabın icində
Uşaqlığımı tez aldın ,
Dinmədim!...
Mən nə zaman böyüdüm ,
Mən nə zaman qocaldım
Bilmədim...
Tanrı möhlət ver,
Bir az dincəlim !
Bir körpü var ,
Özümlə üzüm arasında.
Bir körpə var,
Ürəyimin tən ortasında.
Döyülən bir uşaq,
Döyünən bir uşaq.
Yox ola - ola ,
Böyüyən bir uşaq var !
Elə o vaxtdan
Uşaq idim , anlayırdım
Dərs oxuyur, mahnı oxuyur,
Ürəyimdə ağrıyır.
Ürəyimdə ağlayırdım...
Elə o vaxtdan,,
Nə tələsir , nə gecikirdim,
Çox səhəri gecə bildim,
Yaşamağı necə bildim ?
Ələmlərin, ölümlərin ,
Üzərindən adlayırdım.
Mənən qəddim sınır,
Qəlbim sınır,
Sıxılırdım.
Əyriliklə işim yoxdu,
Düz yollarda yıxılırdım.
Gülümsəyir , gülümsəyir,
Üzümə , üz toxuyurdum
Mən hər gün-
Hər səhər,
Hər axşam
Ovuclarımla
Tanrının ətəyinə toxunurdum.
Əlim yaxasına yetmədi ki, yetmədi!
Ehhhh
Əzizim, yara mənim,
Bir yolluq yora məni.
Gözlərim torpaqdadı
Göy çəkir hara məni ?!
Və anladım ki,
Bir uşağın qocalığı,
Bir qocanın uşaqlığından daha betərdi!
0:20
17.05.2022
3223 oxunub
.jpg)
