XƏBƏR LENTİ
02 İyul 2022
01 İyul 2022
30 İyun 2022



Əlizadə Nuri:- O ay işığından bir şüşə salın…
Ədəbiyyat 16:06 / 20.04.2022

Mən adam deyiləm, adam deyiləm,
Tapa bilmədiyin tapmacayam mən.
Baxma belə böyük danışmağıma,
Bir az bu dünyadan balacayam mən.
Külün altındakı köz ola bilsəm,
Göy üzüm olarsan göz ola bilsəm?
Kaş sənə qoşulub söz ola bilsəm…
Səndən ayrılıqda boş hecayam mən.
Xəstəyəm, yadıma bənövşə salın,
Gəlin ürəyimdə bir Şuşa salın…
O ay işığından bir şüşə salın-
Şüşəsi qırılmış bir bacayam mən.

3645 oxunub

InvestAZ