XƏBƏR LENTİ
26 May 2022
25 May 2022



“Bakı buxtası-20 Yanvar” kitabı nəşr edildi
Ədəbiyyat 09:20 / 17.01.2022

Tanınmış şair-publisist Faiq Balabəylinin "Bakı buxtası-20 Yanvar” adlı yeni kitabı "Elm və Təhsil” nəşriyyatında 1000 tirajla nəşr olunub.

Kult.az xəbər verir ki, bu haqda "Dənizçilərə Sosial Dəstək” İctimai Birliyi məlumat yayıb.

Kitabda 1990-cı ilin yanvar ayının 19-dan 20-nə keçən gecə sovet qoşunlarının Bakı şəhərində dinc sakinlərin qətlə yetirməsinə etiraz olaraq Bakı buxtasına toplaşıb, ölkəmizə edilən hərbi təcavüzün dünya ictimaiyyətinə dəqiq çatdırılmasında mühüm və əsas rolu oynayan Azərbaycan dənizçilərinin misilsiz qəhrəmanlığından bəhs olunur.

Kitabda, həmçinin hadisələrin iştirakçılarının xatirələri, ziyalıların qəhrəman dənizçilərin şücaəti haqdında fikirləri və dənizçilərimiz tərəfindən zamanında qəbul olunan qərarlar əksini tapıb.

Xatırladaq ki, bu kitab Faiq Balabəylinin eyni mövzuya ikinci müraciətidir. Bundan əvvəl 2003-cü ildə "Qanun” nəşriyyatı tərəfindən "Kəsilməyən həyəcan fiti” kitabı dərc olunmuşdu.

Kitabın redaktoru Elnur Nəhməd, tərtib edəni Tural Balabəylidir.


4717 oxunub

InvestAZ