XƏBƏR LENTİ
29 Noyabr 2021
28 Noyabr 2021
27 Noyabr 2021
26 Noyabr 2021



Seyran Əliyev yazır: - Şan-şöhrət gətirdi türkə Ərdoğan!
Ədəbiyyat 17:46 / 16.06.2021

                                                                                             

 

                   

 

                           Bir ana bir oğul doğdu millətə,

Şan-şöhrət  gətirdi türkə Ərdoğan!

Misri qılınc oldu zülmə,zillətə,

Qəbrin nurla dolsun, türkə ər doğan!

Şan-şöhrət  gətirdi türkə Ərdoğan!

                                                                                                                                                                                                           Alışdı köksündə bir Turan közü,

Qardaşlıq bayrağın qaldırdı özü,

Bismillah,Ya Allah oldu ilk sözü,

Yerrin cənnət olsun, türkə nər doğan!

Şan-şöhrət  gətirdi türkə Ərdoğan!

 

 

Doğma vətən bildi hər türk elini,

Yozdu yağıların fitnə-felini,

Üzdü ümidlərin,qırdı belini,

Haqqın halal olsun,mərd əsgər doğan!

Şan-şöhrət  gətirdi türkə Ərdoğan!

 

 

İçərdə,dışarda kəsdilər yolun ,

Dövrəyə aldılar sağın,həm solun ,

Yumdu ağızların,kəsdi əl-qolun,

Qəhr oldu önündə türkə şər doğan!

Şan-şöhrət  gətirdi türkə Ərdoğan!

 

 

Oynanılan oyun aşdı boyunu,

Çözdü kələkləri,pozdu oyunu,

Köməksiz qoymadı bir türk boyunu,

Qoy ruhun şad olsun, müzəffər doğan!

Şan-şöhrət  gətirdi türkə Ərdoğan!

 

 

Göstərdi dünyaya türkün qüdrətin,

Xaçlının İslama sonsuz nifrətin,

Siyasət aləmi gördü cürətin,

Belə oğul doğmur türkə hər doğan!

Şan-şöhrət  gətirdi türkə Ərdoğan!

                                                                                                                                                                                                                                           

 


2876 oxunub

InvestAZ