XƏBƏR LENTİ
21 Aprel 2021
20 Aprel 2021



Gözlər Türkiyəyə DİKİLDİ - Ərdoğan bu gün AÇIQLAYACAQ
DÜNYA 14:58 / 01.03.2021

Türkiyə Prezidenti Rəcəb Tayyib Ərdoğan bu gün ölkənin İnsan Haqları Fəaliyyət Planını açıqlayacaq.

Yenisəs.az  Publika.az -a istinadən xəbər verir ki, bütün ölkənin səbrsizliklə gözlədiyi açıqlama yerli vaxtla saat 13:30-da Beştepe Milli Konqres və Mədəniyyət Mərkəzindən veriləcək.

Ədliyyə Nazirliyinin "azad fərd, güclü toplum, daha demokratik bir Türkiyə” baxış bucağı ilə hazırlanan plan 100-cü ildönümünə daxil olacaq ölkənin əsas siyasi sənədi olacaq.

Plan qanunvericilik və inzibati fəaliyyətlərlə qanuni proqnozlaşdırılma, şəffaflıq və hesabatlılıq əsasında məşğul olmağa imkan verəcək. Mülkiyyət hüququ, qazanılmış hüquqlar, cinayət və cəza şəxsiyyəti və təqsirsizlik prezumpsiyasına ciddi vurğu ilə bu sahələrdə müxtəlif dəyişikliklər hədəflənir.

Bundan əlavə, plan məhkəmə sisteminin müstəqilliyini və qərəzsizliyini, hakimlərin təminatını və ədalətə çıxışını möhkəmləndirəcək mühüm tədbirləri nəzərdə tutur.

Türkiyə üçün yeni milad mənası daşıyan planın yekun nəticəsinin yeni mülki konstitusiya qurmaq olduğu bildirilir.

Qeyd edək ki, İnsan Haqları Fəaliyyət PlanıTürkiyə prezidenti Rəcəb Tayyib Ərdoğan tərəfindən 2019-cu ildə təklif edilib.


867 oxunub

InvestAZ