XƏBƏR LENTİ
21 Aprel 2021
20 Aprel 2021



Məcburi köçkünlərin aylıq müavinətindən “YAŞAT” Fondu üçün vəsait tutulmayıb - Qaçqınkom
İqtisadiyyat 11:57 / 26.02.2021

Sosial şəbəkələrdə və bəzi internet media resurslarında məcburi köçkünlərə verilən vahid aylıq müavinətdən "YAŞAT” Fonduna 5 manat məbləğində pul tutulması barədə xəbər yayılıb".

Qaçqınların və Məcburi Köçkünlərin İşləri üzrə Dövlət Komitəsindən Yenisəs.az -a verilən məlumata görə, bu xəbər həqiqəti əks etdirmir və məcburi köçkünlərə verilən vahid aylıq müavinətdən "YAŞAT” Fondu üçün vəsait tutulmayıb:

"Müvafiq qayda əsasında, hər bir məcburi köçkün üçün ayrılmış vəsait onun üzvü olduğu ailənin başçısının adına açılan bank hesab kartına köçürülür. Müqavilə öhdəliyinə görə, bank tərəfindən yalnız kart hesabına illik xidmət haqqı ödənilməsi nəzərdə tutulub.

Dövlət Komitəsi vətəndaşlardan və media qurumlarından cəmiyyətin həssas təbəqəsi olan məcburi köçkünlərlə bağlı yanlış məlumatları yaymaqdan çəkinməyi xahiş edir”.


1156 oxunub

InvestAZ