XƏBƏR LENTİ
09 Mart 2021
08 Mart 2021
07 Mart 2021
06 Mart 2021



Əbülfət MƏDƏTOĞLU : - DÜNYA, DƏLİYƏ QALIB.. (Günümün şeiri)
YAZARLAR 10:03 / 08.02.2021


Bəlkə də xəyaldasan,
Bəlkə də işdə, gücdə...
Düşünərək ,hardasan -
Bükülmüşəm bir küncdə -
Dünya , dəliyə qalıb...

Ağlımdan gəlib keçən
Xatirə dolu anlar...
Bəzən ilğıma dönər
Aramızda olanlar!-
Dünya , dəliyə qalıb...

Hər söz, hər sual, nida
Ürəyimin təpəri...
Aşa bilmir iddia-
Çevrəndəki çəpəri .
Dünya, dəliyə qalıb...

Mehlə çəkilir tumar,
Şehlə yuyulur yanaq...
Ruhum təbəssüm umar -
Uzandıqca bu sınaq ...
Dünya, dəliyə qalıb...

Sahib dur sən , dəlinə
Ya ovundur, ya da gül...
Fürsət düşüb əlinə -
Qoyma olsun bu od, kül! ..
Dünyan qalıb dəlinə...



2327 oxunub

InvestAZ